prikomputila terminokolekto

Fontindikoj

En Komputeko mi provas ĉiam aldoni minimume unu fontindikon ĉe tradukoj de terminoj. Ĉefe kiam malsamaj fontoj rekomendas alian tradukon, povas esti interese kompari inter ili.

Ĉefaj fontoj - Esperanto

Jen superrigardo kun mencio pri kiuj verkoj temas kaj kiom ofte fontindikoj aperas en Komputeko (tria eldono 2018).

1542 KL KompLeks Komputada Leksikono de Sergio Pokrovskij. Aleksey Timin multe helpis min inter 2013 kaj 2015 por aldoni mankantajn vortetojn. Koran dankon!
921 WP Wordpress Glossary for Esperanto de Cindy McKee
821 OOo OOo.org OpenOffice.org-labordosiero kaj konkludoj de diskutoj en dissendolistoj kaj dum la kunveno de la tradukskipo en Cambridge. Elŝuti la labordosieron (XLS-dosiero).
693 CB Bertin Computer Dictionary, malneta eldono de komputila terminaro de Christian Bertin, eldonita de la redaktoro. Estas tre interesa fonto por kompari, ĉar la verko datas de la jaro 1985. Post aldonado, Yves konkludis ke multaj tradukoj kiujn proponas la terminaro hodiaŭ ankoraŭ estas uzataj.
648 TV TekVort Teknika Vortaro angla - pola - Esperanto de Jerzy Wałaszek. La vortaro bedaŭrinde ne plu estas havebla en interreto.
364 MLT Maŭro Maŭro La Torre, iama membro de la Akademio de Esperanto. Li bedaŭrinde mortis en la jaro 2010.
284 RV ReVo Reta Vortaro, la terminoj de la fako Komputiko
207 PIV PIV2002 Plena Ilustrita Vortaro, eldono 2002
171 KDE KDE Mi aldonis la laborvortaron de la tradukskipo de KDE al Komputeko
113 LVV Lode VDV Lode Van de Velde, prezidanto de la Flandra Esperanto-Ligo, atente provlegis la tutan Komputekon kaj donis multajn valorajn konsilojn. Li ankaŭ helpis traduki pli malfacilajn terminojn.
89 VP Vikipedio Ankaŭ la reta enciklopedio Vikipedio ludas rolon en Komputeko.
82 DR Drupalo Mi provlegis la tradukon de la enhav-mastruma sistemo Drupalo kaj aldonis kelkajn interesajn terminojn al Komputeko
76 EGE Edmundo Edmund Grimley Evans, revizianto de la parto komputiko de PIV2002.
65 KLI KompList Komputila Vortlisto de Bill Walker
60 BW Bertilo Bertilo Wennergren, membro de la Akademio de Esperanto, konsilis min pri kelkaj tre malfacilaj kazoj.
48 PT Pekoteko Mi traserĉis la tri volumnojn de la Plena Pekoteko, sed bedaŭrinde ne trovis multajn vortojn kiujn oni nuntempe uzas rilate komputiko.
49 PB Benson Comprehensive English-Esperanto Dictionary de Peter Beson, eldonita en 1995.
45 FEL FEL Interreta vortareto de Paul Peeraerts
34 FF Firefox Mi provlegis la labordosieron de la Firefox-tradukskipo kaj farante tion aldonis kelkajn terminojn al Komputeko.
29 FB Facebook Mi aliĝis al la tradukteamo de Facebook. Tradukante, mi foje trovis vorton kiu mankis en Komputeko.
24 DE Debian Vortoj kiujn mi trovis en vortlisto de la tradukteamo de Debian Linux.
22 IP ipernity Mi iam estis membro de la tradukteamo de ipernity kaj tiam aldonis kelkajn vortojn al Komputeko.
27 CS Chuck Smith Iniciatinto de Vikipedio kaj Duolingo en Esperanto kaj unu el la kreintoj de Amikumu. Mi estas ofte en kontakto kun li pri prikomputilaj vortoj.
20 CM Cindio Cindy precipe en la komenco de la projekto multe helpis min.

Malgarantio

Ĉiujn terminojn kaj fontindikojn mi (Yves Nevelsteen) mane aldonis al la Komputeko-datumbazo. Mi ne povas doni garantion pri la fontoj. Se vi volas esti certa, indas ĉiam kontroli en la verko mem.

Ne ekzistas aŭtomata ligo inter Komputeko kaj la fontindikoj. Se intertempe la aŭtoro de verko ŝanĝis tradukon, ne ĉiam mi povas scii pri tio.

Ne hezitu sciigi min pri eventualaj eraroj.
Ĝidatigo de tiu ĉi paĝo: oktobro 2017