iOS kaj Esperanto

Klavaro

Viacheslav Shklyaev kreis klavaron per kiu vi povas tajpi ĉapelitajn literojn. Ĝi eĉ sugestas vortojn, kiam vi tajpas. Komence oni devas iom alkutimiĝi, sed estas la plej bona ekzistanta - senpaga - solvo por iOS. Nur funkcias ekde iOS 8.1. iTunes-paĝo.

Chuck Smith ankaŭ kreis (pagitan) klavaron por iOS, sed ĝi ne plu estas havebla. Informojn pri tio vi povas legi en Libera Folio.

Vortaroj

E@I kreis retejon kun la datumoj de la Plena Ilustrita Vortaro de Esperanto. La retejo estas tre bone uzebla en iPhone kaj iPad. Ĝi tamen estas alirebla nur rete. La retejo de la reta PIV.

Robin Hill kreis iOS-version de la fama Reta Vortaro. Ĝi estas plurlingva kaj tre rekomendinda. Ekde iOS 8.0. iTunes-paĝo.

Angla-Esperanto vortaro kun datumoj bazitaj je la ESPDIC de Paul Denisowski. Ekde iOS 6.0. iTunes-paĝo.

Lerniloj

Duolingo, unu el la plej famaj kursoj por lerni Esperanton, estas ankaŭ havebla por iOS. Atentu: kvankam la iOS-aplikaĵo estas bonege farita, la reta versio de Duolingo estas pli "riĉa", je ĝi vi trovos pli da klarigoj. iTunes-paĝo.

Eurotalk kunlabore kun Edukado.net kreis aplikaĵon por lerni Esperanto. Ĝi estas pagenda, sed inda. iTunes-paĝo. (ekde iOS 7.0)

Speak and Learn estas aplikaĵo per kiu vi povas facile trovi liston de plej oftaj frazoj laŭ situacioj. Ne nur utilas por Esperanto!
Retejo de la projekto Speak and Learn. iTunes-paĝo. (ekde iOS 7.0)